Recorre a parroquia de Bazar en dirección SO, vánselle agregando pequenos regos entre eles o Regueira. Logo recorre a parroquia de Castriz onde recibe as augas do afluente máis importante, o Mira, pola dereita. Este porta auga procedente da lagoa de Alcaián e no seu cauce máis baixo recibe auga do río Esternade e desembocan no Xallas. Ambos ríos nacen no concello de Coristanco (Comarca de Bergantiños).